डेंगी जोखिम घटाउन खोज र नष्ट गर अभियान
![](https://ekavrepost.com/core/views/f484570d7c/assets/img/kavre-post-logo.png)
![](https://ekavrepost.com/storage/2023/07/khoja-ra-nasta-gara-abhiyan.jpg)
बनेपा । हरेक शुक्रबार साढे १० बजे १० मिनेट खोज र नष्ट गर राष्ट्रिय अभियान सफल बनाउन सबद्ध निकाय र नागरिकहरु लागि परेका छन् । डेंगी लगायतका लामखुट्टेको टोकाइबाट फैलिने रोगहरुको नियन्त्रणमा सरकारले ल्याएको अभियान काभ्रेमा पनि सञ्चालन भएको पाइएको छ । जिल्लाका प्रत्येक स्थानीय तह, स्वास्थ्य संस्थामा अभियान सञ्चालन गरिएको स्वास्थ्य कार्यालय काभ्रेले जनाएको छ ।
खोज र नष्ट गर अभियान बनेपा नगरपालिका वडा नं. १३ साँगामा सञ्चालन गरिएको छ । कार्यक्रममा जिल्ला विपद् व्यवस्थापन समिति, जिल्ला समन्वय समिति, जिल्ला प्रशासन कार्यालय,, स्वास्थ्य कार्यालय, जिल्ला स्थित सुरक्षा निकाय, नेपाल आर्मी, बनेपा नगरपालिका प्रमुख उपप्रमुख, वडा नं. १३ का वडा अध्यक्ष एवं नागरिकको सहभागिता रहेको थियो ।
जिल्ला स्वास्थ्य कार्यालय काभ्रेको आयोजनामा भएको अभियानमा सरकारी संघसंस्था, प्रतिनिधि एवं नागरिकहरुको उल्लेख्य सहभागितामा सम्पन्न भएको हो । कार्यक्रममा लामखुट्टेको बासस्थान रहने खाल्डाखुल्डी टायरहरुको व्यवस्थापन गरिएको थियो ।
कार्यक्रममा जिसस प्रमुख दीपक कुमार गौतम, सिडिओ पुन्यविक्रम पौडेल, स्वास्थ्य कार्यालयमा प्रमुख डा. पुरुषोत्तम सेढाई, सुरक्षा निकायका पदाधिकारी एवं बनेपा नगरपालिका प्रमुख शान्तिरन्त शाक्य र उपप्रमुख विमला सापकोटा लगायतका व्यक्तित्वहरुको सहभागिता रहेको थियो ।
त्यस्तै खोज र नष्ट गर कार्यक्रम मंगलटार स्वास्थ्य चौकी, भुम्लु–२ स्थित सिम्थली स्वास्थ्य चौकी, भुम्लुटार स्वास्थ्य चौकी लगायत, स्थानीय तहहरुमा लामखुट्टेको लार्भा खोज र नष्ट गर अभियानकै रुपमा सञ्चालन भइरहेको स्वास्थ्य कार्यालय काभ्रेले जनाएको छ ।