खाना पकाउने ग्यास सहित पेट्रोलियम पदार्थको मूल्य वृद्धि
![](https://ekavrepost.com/core/views/f484570d7c/assets/img/kavre-post-logo.png)
![](https://ekavrepost.com/storage/2022/05/cylinder-gas-final.jpg)
काठमाण्डौं। नेपाल आयल निगमले आइतबार राति १२ बजेदेखि लागू हुने गरी खाना पकाउने ग्यास सहित आयातित इन्धनको मूल्य बढाएको छ ।
निगमले बढाएको मूल्य अनुसार अब एलपी ग्यास २ सय वृद्धि भइ प्रतिसिलिण्डर १८ सय रुपैयाँ पुगेको छ ।
त्यसैगरी अब पेट्रोल प्रति लिटर १८० रुपैयाँ, डिजेल र मट्टितेल प्रतिलिटर १६३, हवाई इन्धन १६६ रुपैयाँ पर्ने निगमले जनाएको छ ।
अन्तराष्ट्रिय बजारमा पेट्रोलियम पदार्थको मूल्य वृद्धि भएको कारणले मूल्य वृद्धि गर्नुपरेको निगमले जनाएको छ । मूल्य वृद्धि पश्चात पनि १५ दिनको अन्तरालमा निगमलाई ३ अर्व ३५ करोड भन्दा धेरै घाटा हुने छ ।
निगमले विज्ञप्तिमा राष्ट्रिय ऊर्जा खपतलाई जोड दिन आग्रह गर्दै बाध्यकर परिस्थितिमा मूल्य वृद्धि गर्नुपरेकोमा त्यसबाट पर्नसक्ने असुविधाको लागि आम उपभोक्तासँग माफी मागेको छ ।