चण्डेश्वरी साकोसको ३० औं वार्षिक साधारण सभा सम्पन्न

नबिन भट्ट बादेको अध्यक्षतामा ११ सदस्यीय कार्यसमिति गठन

बनेपा । बनेपा तिनदोबाटो अवस्थित चण्डेश्वरी बचत तथा ऋण सहकारी संस्था लिमिटेडको वार्षिक साधारण सभा सम्पन्न भएको छ । चण्डेश्वरी हजुरको हातमा: हजुरको सम्वृद्धि चण्डेश्वरीको साथमा भन्ने नारालाई आत्मसाथ गर्दै सदस्यहरूको आर्थिक, सामाजिक र सांस्कृतिक विकासमा सहयोग गर्ने उदेश्य संस्थाले लिएको छ । कार्यक्रमलाई सम्बोधन गर्दै संस्थाका निवर्तमा अध्यक्ष विकास बादेले विश्वभर फैलिएको कोभिड महामारीको समययता गत आर्थिक वर्षदेखि देखिएको तरलता अभाव र वैदेशिक मुद्राको सञ्चिति घट्दै गएको परिस्थितिमा समेत सदस्यहरूको साथ सहयोग र मायाले संस्था अगाडि बढिरको बताउनुभयो ।

कार्यक्रममा संस्थाका सचित राम प्रसाद श्रेष्ठले आ.व. २०७८|०७९ को समिक्षा र आव २०७९|०८० को लागि कार्यक्रम प्रस्तुत गर्नुभएको थियो । चण्डेश्वरी साकोसमा ८ हजार १ सय ३३ सदस्यहरू रहेका सचिव श्रेष्ठले जानकारी दिनुभयो । कार्यक्रममा सम्बोधन गर्दै सचिव श्रेष्ठले संस्थाको कार्यक्षेत्र काभ्रे जिल्लाभर रहेतापनि अहिलेको कार्यालयबाट समेट्ने नसकिने हुँदा नाला, पनौती, भकुण्डे, पाँचखाल र धुलिखेलबाट पाँचवटा सेवा केन्द्र खोल्ने प्रस्ताव सभामा गरिएको थियो ।

चन्डेश्वरि बचत तथा ऋण सहकारी सस्था लि.को सम्पन्न ३० औं वार्षिक साधारणको सभाले सम्पुर्ण पदाधिकारी तथा सदस्यहरुलाइ निर्विरोध चयन गरेको छ । नव निर्वाचित सञ्चालक समिति नबिन भट्ट बादेको अध्यक्षतामा ११ सदस्यीय कार्यसमिति गठन भएको छ । सहकारीको नयाँ कार्यसमिति उपाध्यक्षमा रमेश काजी श्रेष्ठ, सचिवमा बुद्धरत्न मानन्धर, सह-सचिव रोशना राजवंशी, र लेखा समिति संयोजस राम प्रसाद श्रेष्ठ चयन निर्विरोध चयन भएका संस्थाका प्रमुख कार्यकारी अधिकृत झलेन्द्र दाहाल (राजन)ले जानकारी दिनुभयो ।

संस्थाको ३० औं वार्षिक साधारण सभा बनेपा पार्टी भेन्युमा सस्थाका निबर्तमान अध्यक्ष बिकास बादेको सभापतित्व र राष्ट्रिय सहकारी महासंघका अध्यक्ष मिनराज कडेलको प्रमुख आतिथ्यता मा सम्पन्न भएको थियो ।