धुलिखेल र चीनको सियान बिच भगिनी सम्बन्ध

धुलिखेल । धुलिखेल नगरपालिका र चीनको सियान महानगरपालिका बीच भगिनी सम्बन्ध बिस्तार भएको छ ।

कोरियाको देजोङ्ग शहरमा धुलिखेल नगरपालिका प्रमुख अशोक कुमार व्याञ्जु श्रेष्ठ र सियान महानगरपालिका प्रमुख लि जाङ्ग मिङ्युन बीच भगिनी सम्बन्ध विस्तार गर्ने पत्रमा हस्ताक्षर भएको हो ।

भगिनी सम्बन्ध सम्झौता पत्रमा हस्ताक्षर भएपछि दुई नगरबीच सांस्कृतिक, मैत्री र साझेदारिता, विज्ञान र प्रबिधिको बिकास, शिक्षा, स्वास्थ, खेलकुद विकास गर्ने र दुई पक्षबीच अनुभव आदानप्रदान गर्ने उल्लेख गरिएको छ । सम्झौता पश्चात दुई नगरबीच आवश्यक भ्रमण, सूचना र बैदेशिक सम्बन्धको बिकास हुने विश्वास नगरप्रमुख ब्याञ्जुले लिएका छन् ।

प्रमुख व्याञ्जु अन्तर्राष्ट्रिय विज्ञ सल्लाहकारमा मनोनित

त्यस्तै धुलिखेल नगरपालिका नगरप्रमुख अशोक व्याञ्जु चीनको सियान महानगरपालिकाको अन्तर्राष्ट्रिय विज्ञ समूहको सल्लाहकार पदमा मनोनित भएका छन् ।

प्रमुख व्याञ्जुले स्थानीय सरकार र संघीयता, सहरीकरण र सुशासन, स्थानीय प्रजातन्त्र र दिगो विकासको लक्ष्य पूरा गरेकोले सियान महानगरपालिकाले अन्तरािष्ट्रय विज्ञ समूहको सल्लाहकार पदमा मनोनित गरेको हो ।

प्रमुख व्याञ्जुले सियान महानगरपालिका बासी र चीन सरकारलाई धन्यवाद दिँदै आभार प्रकट गरेका छन् । व्याञ्जु धुलिखेल नगरपालिकाको प्रमुखसँगै नेपाल नगरपालिका संघका अध्यक्ष र युसएलजी एसिया प्यासिफिकका अध्यक्ष समेत हुन् ।