बनेपा । जिल्लाका उत्कृष्ट शिक्षण संस्था मध्यको एक ज्ञानकुञ्ज शैक्षिक प्रतिष्ठानको आयोजनामा बनेपामा अभिमुखिकरण कार्यक्रम सम्पन्न भएको छ ।

नव आगन्तुक विद्यार्थीहरुलाई मार्ग निर्देशन गराउने उद्देश्यका साथ आयोजित कार्यक्रममा ख्याति प्राप्त सञ्चारकर्मी एवमं प्रशिक्षक रुपेश श्रेष्ठले विद्यार्थीहरुलाई अबका दिनमा आफ्नो पढाईलाई कसरी नैतिक, व्यावहारिक र व्यावसायीक बनाउने भन्ने बारे प्रशिक्षण दिएका थिए ।

करिब दुई घण्टा सम्म चलेको प्रशिक्षण कार्यक्रममा २०० भन्दा बढी विद्यार्थीहरुको सहभागिता रहेको थियो । कार्यक्रम ज्ञानकुञ्ज शैक्षिक प्रतिष्ठानका अध्यक्ष सुरकृष्ण बैद्यको सभापतित्वमा सम्पन्न भएको थियो ।

कार्यक्रममा प्रतिष्ठानका सञ्चालक एवमं प्रबन्ध निर्देशक प्रताप वैद्यले स्वागत मन्तव्य राखेका थिए । निर्देशक वैद्यले सामाजिक रुपान्तरणका लागि आफू भन्दा ठूलालाई आदर, सानालाई माया, स्नेह दिने बानी बसाली समाजमा उदारहरणीय व्यक्तित्व बन्नुपर्ने बताए ।

निर्देशक वैद्यले उपस्थित विद्यार्थीप्रति इङ्कित गर्दै आरोह अवरोहका बिच साथ दिनुहुने अभिभावक ज्यूहरुलाई खुसी राख्न सकेमा जीवनमा कहिले पनि असफल हुनु नपर्ने तर्क राख्नुभयो ।

सहायक कलेज प्रमुख नवराज चौलागाईले कार्यक्रमको विषयमा प्रकाश पारेका थिए । कार्यक्रममा सञ्चालक आत्माराम थापा, सहायक प्रधानाध्यपक रत्नराज खतिवडा लगायतका व्यक्तित्वहरुको उपस्थिति रहेको थियो ।

Designing future in Management  शीर्षक दिएर आयोजना गरिएको प्रशिक्षण कार्यक्रम निकै फलदायी बनेको सहभागी विद्यार्थीहरुले बताए ।

नैतिक, व्यावहारिक तथा व्यावसायिक शिक्षा भन्ने मूल नारालाई आत्मसाथ गर्दै अगाडि बढिरहेको प्रतिष्ठानले नियमित रुपमा विद्यार्थी लक्षित कार्यक्रमहरुको आयोजना गर्दै आइरहेको छ । यस्ता किसिमको कार्यक्रमहरुबाट सो प्रतिष्ठानमा अध्ययनरत विद्यार्थीहरुको पढाईका साथ साथै अतिरिक्त क्रियाकलापहरुमा पनि अब्बल नेतृत्व गर्न सक्ने क्षमतामा वृद्धि हुने बताइएको छ ।

व्यबस्थापन संकाय तर्फ होटल म्यानेजमेन्ट, ट्राभल एण्ड टुरिजम, कम्प्युटर साइन्स, अर्थशास्त्र, बजार व्यवस्थापन सम्बन्धी अध्ययन अध्यापन गरिनेका साथै व्यवहारिक र व्यवसायिक शिक्षा मार्फत विद्यार्थीहरुलाई उद्देमी तथा व्यवसायमा अग्रसर हुन सदा सर्वदा उत्साहित गराई राख्ने सो प्रतिष्ठान आम अभिभावक तथा विद्यार्थीहरुको पहिलो शैक्षिक गन्तब्यको रुपमा बिगत १५ वर्ष देखि चिर परिचित रहेको छ ।

सहायक प्रिन्सिपल चौलागाईंले संस्थामा आवद्ध हुन आउनु भएका सम्पूर्ण विद्यार्थीहरुलाई आगामी दुई वर्षको अवधिभर निश्चिन्त भई गुणस्तरीय शिक्षा तथा आवश्यक शैक्षिक तथा अन्य क्रियाकलापहरुको चरणवद्ध रुपमा सञ्चालन गरिने प्रतिवद्धता व्यक्त गरेका थिए ।

यो पनि पढ्नुहोस्ः ज्ञानकुञ्जका विद्यार्थीहरु विभिन्न पेशा तथा क्षेत्रहरुमा नेतृत्वदायी भूमिकामा छन्ः नवराज चौलागाई,