तेमालमा इन्द्रलाई पछि पार्दै चन्द्र विजयी, उपाध्यक्षमा पनि गठबन्धनको जित

तेमाल । तेमाल गाउँपालिकामा नेपाली कांग्रेसका उम्मेदवार चन्द्रबहादुर लामा अध्यक्ष पदमा निर्वाचित भएका छन् । त्यसैगरी उपाध्यक्षमा गठबन्धनका तर्फबाट माओवादी केन्द्रका दलमान थोकर (डिएम ) विजयी भएका छन् ।

अध्यक्षमा विजयी तामाङले ७ हजार ७७ मत प्राप्त गरेका छन् । उनका निकटतम प्रतिस्पर्धी नेकपा एमालेका इन्द्रबहादुर तामाङले ५ हजार ८ सय ७० मत प्राप्त गरेका थिए ।

त्यस्तै उपाध्यक्षमा नेकपा (माओवादी केन्द्र)का थोकरले ६ हजार ५ सय ५१ मत प्राप्त गरि विजयी भइरहँदा उनका निकटतम प्रतिस्पर्धी एमालेका सम्तेन थिङले ४ हजार ९ सय ५२ मत प्राप्त गरेका थिए ।

तेमाल गाँउपालिकामा ९ वटा वडा रहेका छन् । जसमा नेपाली काग्रेसले ३, माओवादीले ४ वटा र एमालेले २ वटा वडा जितेको छ । विजयी उम्मेद्वारहरूमा तेमाल १ मा एमालेका इन्द्र अधिकारी, २ मा माओवादीका देवराज तामाङ, ३ मा काग्रेसका विष्णु बहादुर तामाङ, ४ मा एमालेका पेम्बा लामा, ५ मा माओवादीका हजार सिं लामा, ६ मा माओवादीका प्रेमबहादुर तामाङ, ७ मा काग्रेसका इन्द्रलाल तामाङ, ८ मा काग्रेसका तेमालसिं तामाङ र तेमाल ९ मा माओवादीका चन्द्रबहादुर लामा रहेका छन् ।