काभ्रेमा मनाइयो १६ औँ गणतन्त्र दिवस
बनेपा । १६ औं गणतन्त्र दिवस काभ्रेमा विशेष रुपले मनाइएको छ । गणतन्त्र दिवस जिल्ला समारोह समिति काभ्रेपलाञ्चोकको आयोजनामा सहिदका परिवारलाई सम्मान गरिएको छ ।
आफुले परिवारको सदस्यलाई गुमाइरहदा सरकारले सहिदको सम्मान स्वरुप काम गर्न नसकेकोमा दुख व्यक्त गरे । देशमा विधिको शासन स्थापना हुनुपर्नेमा जोड दिए । विभिन्न स्वरुपमा अवसान गराइएका सहिदलाई राज्यले हेर्ने दृष्टिकोण फरक हुनुपर्ने भन्दै सहिदको सम्मान स्वरुप कार्यक्रम आयोजना गरिएकोमा धन्यवाद समेत व्यक्त गरे ।
कार्यक्रम जिल्ला समन्वय समिति प्रमुख दिपक कुमार गौतमको अध्यक्षतामा सम्पन्न भएको छ ।
सहिदको सपना साकार गर्न जनप्रतिनिधिहरू लागि पर्नुपर्ने जिसस प्रमुख गौतमले बताउनुभयो । जिल्लाका सबै सहिदहरूको सम्मानस्वरूप साझा सहिद पार्क निर्माण गरिने बताउनुभयो ।
कार्यक्रममा जिसस उपप्रमुख रिम बहादुर तामाङ, प्रमुख जिल्ला अधिकारी पुन्य विक्रम पौडेल, जिल्ला स्थित सुरक्षा निकायका प्रमुखहरु, विभिन्न राजनैतिक दलका प्रतिनिधिहरु, जनप्रतिनिधिहरू, सहिदका परिवार, पत्रकार महासंघ काभ्रे अध्यक्ष बद्रिराज तिमल्सिना, स्थानीय, बुद्धिजीवी, सञ्चारकर्मी लगायतको उपस्थिति रहेको थियो ।
